'कोहलपुर एक्सप्रेस'का निर्देशक विशाल भण्डारीले दोस्रो फिल्म निर्देशन गर्दै
काठमाडौं : 'कोहलपुर एक्सप्रेस' निर्देशन गरेका विशाल भण्डारीले दाेस्राे फिल्म निर्देशन गर्ने भएका छन्।
'कोहलपुर एक्सप्रेस' निर्देशन गर्दा उनलाई आफ्ना साथीहरू केकी अधिकारी लगायतकाले निर्माणमा सघाएका थिए। अब बन्ने नयाँ फिल्ममा भने ओमप्रकाश अग्रवालले लगानी गर्दैछन्।
‘कमेडी च्याम्पियन’को टिमले बनाउने भनिएको फिल्मको निर्देशकमा भण्डारी तय भए पनि नाम र कलाकार भने तय भइसकेको छैन। यम थापाको कथामा बन्ने फिल्म निर्देशन गर्न बिहीबार निर्देशक भण्डारी, निर्माता अग्रवाल र लेखक थापाबीच सम्झौता भएको तस्बिर सार्वजनिक भएको हो।
फिल्म थ्रि प्रोडक्शन र ओएसआर डिजिटलले बनाउने फिल्म आगामी दसैँमा रिलिज गर्ने निर्माण टिमको योजना देखिन्छ।
कात्तिक १७, २०७९ बिहीबार २१:४६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
