एकल महिलाको कथा बोकेर निर्देशनमा डेब्यु गर्दैछन् अभिनेता सरोज खनाल

काठमाडौँ : मिश्रित प्रतिक्रिया आए पनि तीन करोड ग्रसमाथिको व्यापार गरेको फिल्म 'महापुरुष' एकल पुरुषले विवाह गर्न हुन्छ कि हुन्न भन्नेमा केन्द्रित छ। झुर सम्पादन भए पनि कथा र कलाकारको अभिनयसँगै महजोडीका कारण दर्शकहरू हलमा गइरहेका छन्।

अभिनेता सरोज खनाल एकल महिलाले विवाह गर्न हुन्छ कि हुन्न भन्ने कोणको कथा रहेको फिल्म 'बगान' लिएर आउँदैछन् हलमा। खनालले यही फिल्मबाट फिल्म निर्देशनमा डेब्यु समेत गर्दैछन्।

फागुन १२ गते नेपालभर रिलिज गर्ने तयारी भएको फिल्मको निर्माता हुन् विनोद मानन्धर। फिल्ममा अभिनेत्री करिश्मा मानन्धर मुख्य भूमिकामा छिन्। नयाँ कलाकार प्रमिला कार्की मानन्धरको छोरीको भूमिकामा छिन्।

निर शाह, मिथिला शर्मा, वसुन्धरा भुसाल लगायतका खारिएका कलाकारहरूको अभिनय रहेको फिल्मलाई दर्शकहरूले माया गर्ने निर्माण पक्षको दाबी छ।

कात्तिक १६, २०७९ बुधबार २१:५३:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।