मध्यरातमा मन्नतबाहिर ‘शाहरुख... शाहरुख... शाहरुख’को नारा
एजेन्सी : बलिउडका बादशाहको नामले परिचित शाहरुख खानको घर ‘मन्नत’अगाडि मध्यरात ठूलो भिड जम्मा भयो र ‘शाहरुख... शाहरुख... शाहरुख...’को नारा गुन्जियो।
यो गुन्जाहट उनका लागि पनि विशेष थियो। उनको जन्मदिनमा मन्नत अगाडि उभिएका उनका फ्यानले उनलाई जन्मदिनको शुभकामना दिएका छन्। घरअगाडि ठूलो भिड जम्मा भएपछि प्रहरीलाई समेत हटाउन हम्मेहम्मे परेको थियो।
शाहरुख खानले आज आफ्नो ५८औं जन्मदिन मनाउँदैछन्। बलिउडमा रोमान्स किङ्ग भनेरसमेत चिनिने उनले पनि आफ्ना फ्यानलाई निराश पारेनन्। मध्यरातमै भए पनि उनी बार्तलीमा आएर फ्यानलाई धन्यवाद दिए।
घरबाहिर उनीमात्र आएनन् उनका कान्छा छोरा अबराम पनि देखिएका थिए। उनले आउनेबित्तिकै आफ्नो सिग्नेचर पोज दिए।
कात्तिक १६, २०७९ बुधबार ०८:४७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
