फिल्म 'महापुरुष'को कथा मलायालम र हिन्दी फिल्मबाट चोरेको आरोप
काठमाडौँ : दर्शक र समीक्षकहरूबाट मिश्रित प्रतिक्रिया पाइरहेको फिल्म' महापुरुष' मलायालम फिल्म 'इष्टम'बाट चोरिएको आरोप लागेको छ। एकल पुरुषको कथामा सो फिल्म सन् २००१ मा बनेको थियो।
सोही फिल्मको कथामा सन् २००८ मा भारतीय निर्देशक प्रियदर्शनले मेरे बाप पहले आप नामक फिल्म बनाएका थिए।
यो फिल्म कमेडी-ड्रामा जनरामा बनेको थियो। अक्षय खन्ना, जेनेलिया डिसुजा, परेश रावल, ओम पुरी, मनोज जोशी, अर्चना पूरन सिंह, शोबना र राजपाल यादवको अभिनय रहेको फिल्मको कथा र महापुरुषको कथा एकै भएकै भन्दै सामाजिक सञ्जालमा फिल्म निर्माण टिमको आलोचना भइरहेको छ।
महापुरुष : हलमै दर्शकलाई घुँक्क घुँक्क त रुवाउँछ तर कमजोर सम्पादनले किरकिर पनि बनाउँछ
हरिवंश आचार्य, मदनकृष्ण श्रेष्ठ लगायतको अभिनय रहेको र प्रदीप भट्टराई निर्देशित फिल्म महापुरुषको सम्पादन र क्लाइमेक्सको आलोचना भए पनि हरिवंश आचार्यको अभिनय र संवादको भने प्रशंसा भइरहेको छ। फिल्म शुक्रवार रिलिज भएको हो।
फेरि कुन चैंले प्रदीप भट्टराई कृत महापुरुष प्रियदर्शनको मेरे बाप पहेले आपसँग मिल्छ भनेर हल्ला चलाएछ। हावाहरु। प्लट मिल्यो भन्दैमा प्रभावित नै भन्दिने? प्रस्तुति हेर्नुपर्दैन? कथा बग्नुपर्दैन? डाइलग हुनुपर्दैन? दर्शकको तनाव हेर्नुपर्दैन? 😋
— Ananta Koirala (@anantabrt) October 30, 2022
'महापुरुष' दुई-तीन भागको सिरीयल टाइप बनाएर पहिले टिभीमा देखाउन छुटेको अहिले मुभी बनाएर ठेल्दिएछन लाग्ने यार ।अझै पनि यो स्टाइलको मुभी बनाउनेहरुलाई चै मान्नै पर्छ!
— फिक्सन…… (@SiudiLeep) October 30, 2022
इस्यु चै गजब हो तर मुभी चै के सारो गडबड ,झ्यास/महाझुर मुभी
यो स्टाइलका त हेरीसकेम त यार सयौं नेपाली सिरीयल/फिल्म।
महापुरुष,,,,अहिलेसम्म हेरेकाे नेपाली फिल्ममध्ये बबाल फिल्म,,,, pic.twitter.com/ira4MqQDBX
— shibaji khadka (@shibajikhadka1) October 29, 2022
धेरै समय पछि एउटा राम्रो पारिवारिक नेपाली फिल्म बनेको छ; #महापुरुष
— Sujan KD🇳🇵 (@iamsujankd) October 29, 2022
नछुटाउनु होला,Don't Miss this Emotional Entertainment. #HaribanshaAcharya is EXCELLENT as always.Every actor has performed their best.All credit to the Writer-Director #PradipBhattarai and #AnjanaBaraili is ❤️😊. pic.twitter.com/eLV1jka8H9
कात्तिक १३, २०७९ आइतबार २१:३८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
