फ्राइडे रिलिज: हलमा मह जोडीको 'महापुरुष'

काठमाडौं: नेपाली सिनेमा हलहरूमा आजबाट नयाँ फिल्म 'महापुरुष' प्रदर्शनमा आएको छ। चर्चित र सफल निर्देशक प्रदीप भट्टराईको निर्देशनमा तयार भएको फिल्मले आज सिङ्गल रिलिज पाएको छ। अर्थात् अरू नयाँ चलचित्र आजबाट प्रदर्शनमा आएका छैनन्।

फिल्म दुई छोरा र एकल बुवाको कथामा आधारित छ। बुढ्यौलीमा बसेको बुवाको प्रेमको विरुद्धमा भएका छोराहरूले कसरी विवाह गराउँछन् भन्ने कथा फिल्ममा छ।

फिल्ममा मह जोडी हरिवंश आचार्य, मदनकृष्ण श्रेष्ठसहित गौरी मल्ल, राजाराम पौडेल, सिरु विष्ट लगायतका कलाकारको अभिनय छ।

दुई घण्टा लामो यस फिल्मलाई सोमबारको प्रिमियर शोमा सकारात्मक समीक्षा मिलेको थियो। फिल्मका निर्देशक प्रदीप भट्टराई व्यावसायिक फिल्म बनाउन अब्बल मानिन्छन्। उनले यसअघि बनाएका शत्रु गते, जात्रा र जात्रै जात्रा व्यावसायिकरूपमा सफल चलचित्र सावित भइसकेका छन्।

फिल्म कमेडी र फेमिली ड्रामा विधामा बनेको छ। हास्दै रमाउने दर्शकका लागि यो फिल्म रोजाइ हुनसक्छ।

कात्तिक ११, २०७९ शुक्रबार १०:१४:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।