नेपाली सेलिब्रिटीका दिदी-बहिनी, दाजुभाइ चिन्ने आज त हो नि

काठमाडौँ : प्राय आफ्ना तस्बिरले सामाजिक सञ्जाल रङाउने सेलिब्रिटीहरुको सामाजिक सञ्जाल आज तिहारको दिन आफ्ना दाजुभाइ अनि दिदीबहिनीको तस्बिरले रङ्गिएको छ।

उनीहरूले तिहारको अन्तिम दिन, भाइटिका पारेर आज आफ्ना दाजुभाइ अनि दिदी बहिनी सार्वजनिक गर्छन् हरेक वर्ष। आज पनि उनीहरूले आ-आफ्नो भाइटिकाका तस्बिरहरू सार्वजनिक गरे।

नायक अनमोल केसीले आफ्नी काकाकी छोरी प्रिन्सु केसीसँग सिनामंगलमा रहेको घरमै भाइटिका लगाए। अनमोलकी दिदी काजोल अमेरिकामा छिन्।

नायिका पूजा शर्माले भाइ बनाएका अभिषेक श्रेष्ठलाई टिका लगाइदिइन्। उनले चार वर्षदेखि उनलाई टिका लगाउँदै आएकी छिन्.

नायिका केकी अधिकारीले विवाहपछिको पहिलो भाइटिकाको अनुभव गरिन्। उनको यसै वर्ष विवाह भएको थियो।

उनले तीन दाजुभाइको तस्बिरसँगै भाइ टिकामा पाएको उपहार देखाउँदै तस्बिर राखेकी छिन्।

नायिका वर्षा राउत दुई भाइको बिचमा रमाउँदै खिचेको तस्बिर सार्वजनिक गरेकी छिन्।

अभिनेत्री वर्षा सिवाकोटी दुई जना दाजुभाइको बिचमा मक्ख परेर बसेकी छिन्।

निर्देशक दीपाश्री निरौला विराटनगर पुगेर भाइटिका लगाइन् उनी तस्बिर खिचेर दिदीबहिनी र दाजुभाइको ग्याङ नै सार्वजनिक गरिन्।

कलाकार दीपकराज गिरीसहित चार दाजुभाइले २ दिदीबहिनीसँग टिका लगाएर नाङ्लोको उपहार सहितको तस्बिर सार्वजनिक गरेका छन्।

गायिका इन्दिरा जोशी, गायक कालीप्रसाद बास्कोटा, अभिनेत्री बेनिशा हमाल लगायतले पनि सामाजिक सञ्जालमा आफ्नो भाइटिकाको तस्बिर सार्वजनिक गरेका छन्।

सलोन बस्नेत।

नीता ढुंगाना

कालीप्रसाद बास्कोटा

कात्तिक १०, २०७९ बिहीबार १९:४७:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।