नायिका श्वेताको गर्भोत्सव फोटो सेसन

२ वर्ष अघि

काठमाडौं : गर्भावस्था अब लाजको विषय रहेन। उत्सव बनिसक्यो। खुकुलो कपडा लगाएर बढ्दो गर्भको आकार लुकाउने हैन, सम्झनाका लागि तस्बिर खिचाउने प्रचलन बढ्दो छ।

बेबी बम्पसहित आफ्नो पाट्नरसँग तस्बिर खिचाउनु सेलिब्रिटीका लागि सामान्य बनिसकेको छ।

अभिनेत्री स्वेता खड्का अहिले गर्भवती छिन्। गत मङ्सिरमा उनले विजयन्द्रसिंह राउतसँग विवाह गरेकी थिइन्।

उनले विजयन्द्रसँगै रातो लेहेंगा चोलीमा बेबी बम्पको सम्झनाका लागि फोटो सेसन गराएकी छिन्।

उनले इन्स्टामा राखेको तस्बिरमा उनी निकै खुसी देखिएकी छिन्। पछिल्लो समय स्वेता चलचित्र निर्माण र अभिनयमाभन्दा व्यापारमा बढी केन्द्रित छिन्।

उनी एकीकृत बस्ती निर्माणमार्फत समाजसेवामा समेत प्रवेश गरे पनि उल्टो विवादमा तानिएकी थिइन्। उनको यो दोस्रो विवाह हो। उनले कलाकार श्रीकृष्ण श्रेष्ठसँग विवाह गरेकी थिइन्।