सलमान खानलाई डेंगु भएपछि करण जौहरले सम्हाले 'बिग बस'को कमाण्ड
एजेन्सी: बलिउड अभिनेता सलमान खानलाई डेंगु भएको छ। पछिल्लो चार-पाँच दिनयता अस्वस्थ हुँदै आएका सलमानलाई डेंगु पुष्टि भएको हो।
डेंगु भएपछि उनले फिल्मदेखि टेलिभिजन रियालिटी शोसम्म सबैबाट तत्काललाई बिदा लिएका छन्। उनी दुई हप्तायता 'किसीका भाइ, किसीकी जान' फिल्मको शुटिङमा व्यस्त थिए। यही दौरान उनलाई डेंगु भएको हो।
यस्तै उनले होस्ट गर्दै आएको चर्चित टेलिभिजन रियालिटी शो अब करण जौहरले होस्ट गर्ने भएका छन्। यसअघि बिग बसको ओटीटीलाई होस्ट गरिसकेका करणले जिम्मेवारी सम्हालेको प्रोमो पनि सार्वजनिक भइसकेको छ।
सलमान कहिले निको हुन्छन् र करणले कहिलेसम्म बिग बस होस्ट गर्छन् भन्ने यकिनसाथ सूचना आएको छैन।
कात्तिक ५, २०७९ शनिबार १२:२३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
