इन्डियन आइडलबाट बाहिरिएका रितो रिबाले निकाले आफ्नै गीत ‘हीर रांझणा’
काठमाडौं : १३औं संस्करणको इन्डियन आइडलको थिएटर राउन्डबाट बाहिरिएका रितो रिबाले आफ्नै गीत सार्वजनिक गरेका छन्।
बुधबार उनले ‘हीर रांझणा’ बोलको गीत औपचारिक रुपमा सार्वजनिक गरेका छन्। इन्डियन आइडलको मञ्चमा दुई मिनेटमा कम्पोज गरेर उनले यहि गीत गाएका थिए, जसलाई करोडौं दर्शकले मन पराएका थिए।
गीतको शब्द रिबो र राना सोतालले लेखेका हुन् भने संगीत रजत नागपालले भरेका हुन्।
रितो रिबाको गीतमा चर्चित टेलिभिजन कलाकार शिवांगी जोशी देखिएकी छन्। उनलाई रोहित खन्डेलवालले साथ दिएका छन्। युट्युबमा सार्वजनिक गीतको बारेमा एकदमै राम्रो प्रतिक्रिया आइरहेको छ।
कात्तिक १, २०७९ मंगलबार २१:३९:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
