नेपालकाे सुन्दरता देखाइएकाे बलिउड फिल्मकाे ट्रेलर सार्वजनिक, मित्रताकाे कथा देखाउने प्रयास

एजेन्सी : नेपालमा छायांकन भएकाे बलिउड फिल्म ‘उचाइँ’को ट्रेलर सार्वजनिक भएको छ।

मंगलबार सार्वजनिक २ मिनेट ५१ सेकेन्ड लामो ट्रेलरमा सगरमाथा क्षेत्र घुम्ने र हिमालमा पदयात्रा गर्ने बुढ्यौली उमेरका चार पदयात्रीकाे मित्रताकाे कथा देखाइएकाे छ।

निर्देशक सूरज बडजात्याद्वारा निर्देशित फिल्ममा अमिताभ बच्चन, डेनी डेन्जोङ्पा, अनुपम खेर र बोमन इरानीको मित्रतालाई चलचित्रको मुख्य कथाको रूपमा प्रस्तुत गरिएकाे छ।

साथीको अधुरो सपना साकार गर्न निस्केका अमिताभ, अनुपम र बोमनमाथि यात्राको क्रममा आउने आरोह-अवरोहलाई ट्रेलरमा देखाइएको छ।

अगामी ११ नोभेम्बर २०२२ बाट प्रदर्शनमा आउने फिल्मकाे एक महिनाभन्दा बढि समय नेपालमा छायांकन गरिएकाे थियाे।

फिल्ममा बलिउड अभिनेत्री परिणिति चाेपडाले नेपाली ट्रेकिङ गाइडकाे भूमिका निभाएकी छन्। फिल्ममा नेपाली कलाकारहरू परमिता राज्यलक्ष्मी राणा, सरोज लामिछाने, डम्बर बोहराकाे पनि अभिनय छ।

कात्तिक १, २०७९ मंगलबार १५:२३:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।