बुवा–छोराको सम्बन्ध र हरिवंश–गौरीको प्रेमले भरिएको ‘महापुरुष’ ट्रेलर

काठमाडौं : मह जोडीको अभिनय रहेको फिल्म ‘महापुरुष’को ट्रेलर सार्वजनिक भएको छ।

सोमबार सार्वजनिक ट्रेलरमा बुवा–छोराको सम्बन्ध तथा हरिवंश आचार्य र गौरी मल्लको बुढेसकालको प्रेम देखाइएको छ।

उनीहरूको प्रेममा आउने उतारचढाव फिल्मको मुख्य विषयवस्तु रहेको ट्रेलरले संकेत गरेको छ।

फिल्ममा हरिवंश र गौरी बाहेक मदनकृष्ण श्रेष्ठ, राजाराम पौडेल, रविन्द्रसिंह बानियाँ, अरुण क्षेत्री, अञ्जना बराइली र सिरु बिष्ट लगायत कलाकारको मुख्य भूमिका रहेको छ। 

‘जात्रा’, ‘शत्रु गते’ र ‘जात्रै जात्रा’ जस्ता व्यावसायिक रूपमा सफल फिल्मका लेखक तथा निर्देशक प्रदीप भट्टराईको यो चौथो फिल्म हो।

उनका तीनवटै फिल्मले हलमा ५१ दिन मनाएका थिए। तीन वटै सफल फिल्म दिएका निर्देशकको निर्देशन रहेको र महजोडीको अभिनय रहेका कारण यो फिल्मलाई बहुप्रतिक्षित मानिएको छ।

फिल्म कात्तिक ११ गतेदेखि प्रदर्शनमा आउँदैछ।

असोज २५, २०७९ मंगलबार १०:३१:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।