मोटरसाइकल पल्टेर भेलले बगाउँदा ८ वर्षीय छोरीको मृत्यु, ४ वर्षीय छाेरा बेपत्ता
नुवाकोट : नुवाकोटमा मोटरसाइकलबाट खसेका एक बालिकाको मृत्यु भएको छ। एका बालिका बेपत्ता भएकी छन्।
बिहीबार दिउँसो पौने चार बजे ककनी गाउँपालिका–२ सिमटारस्थित सिमटारबाट बेरुवातर्फ जाँदै गरेको बा ८० प ७९७० नम्बरको मोटरसाइकल अनियन्त्रित भई सडकमा पल्टिँदा, सडकमा बगेको पानीको भेलले सोही ठाउँ बस्ने शिवराम घिमिरेकी ८ वर्षीया छोरी बेबिसा घिमिरेको मृत्यु भएको हो।
बेबिसा बगेको ठाउँबाट अन्दाजी २५ मिटर तल गम्भीर अवस्थामा फेला पारी उपचारको लागि ग्रिनसिटी अस्पताल काठमाडौंमा लगिएकोमा उपचारको क्रममा साँझ पाँच बजे मृत्यु भएको जिल्ला प्रहरी कार्यालयले जनाएको छ।
यस्तै, शिवरामकै ४ वर्षीय छोरा श्रेयान घिमिरे हालसम्म बेपत्ता रहेका छन्। उनको खोजी जारी रहेको प्रहरीले जनाएको छ।
असोज २०, २०७९ बिहीबार १९:०८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
