पाल्पामा फुलपातीदेखि हराइरहेका दुई जना मृत अवस्थामा भेटिए
बुटवलः पाल्पामा दुई जना मृत फेला परेका छन्।
निस्दी गाउँपालिका–३ झिरुबासका २१ वर्षीय वीरेन सोमै र सोही ठाउँका २१ वर्षीय इन्द्रबहादुर खरु बुधबार मृत फेला परेको प्रहरीले जनाएको छ।
वीरेनको सोही गाउँपालिका–४ मित्याल र इन्द्रबहादुरको वडा नम्बर ५ गल्धामा शव फेला परेको जिल्ला प्रहरी कार्यालय पाल्पाका प्रहरी उपरीक्षक जनकबहादुर शाहीले बताए।
उनीहरू दुवै जना १७ गते सोमबार फुलपतीका दिन साँझ रमाइलो हेर्न भनी मित्याल मौलाथरमा सङ्गै मोटरसाइकलमा गएको प्रहरीले जनाएको छ।
दशैंका दिन अबेरसम्म घरमा नफर्किएपछि उनीहरूको खोजी गरिएको थियो। मृतक इन्द्रबहादुरको टाउको तथा खुट्टा समेत नभएको अवस्थामा शव भेटिएको शाहीले बताए।
शव पोष्टमार्टमका लागि रामपुर अस्पतालमा लगिएको छ।
असोज २०, २०७९ बिहीबार १४:०४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
