हैट ! कलाकार बुद्धिले त मागी बिहे पो गर्ने भएछन्
काठमाडौँ : चर्चित हास्य कलाकार बुद्धि तामाङ शुक्रवार दुलाहा हुने भएका छन्। फिल्महरूमा बारम्बार दुलाहा भनेर अभिनय गरेका उनी वास्तविक जीवनमै शुक्रवार दुलाहा हुन लागेका हुन्।
उनले मकवानपुरकी अनु थिङ तामाङसँग कौसलटारको एक पार्टी प्यालेसमा विवाह गर्दैछन्। जानकारहरूको दाबी अनुसार यी दुवैको मागी विवाह हो। बुद्धिले तामाङ परम्परा अनुसार विवाह गर्न लागेका हुन्।
उनी तामाङ परम्परा अनुसार केही दिन अगाडि अनुको घर गएर सगुन पोङ दिइसकेका छन्। अनुको परिवारले बुद्धिको पोङ स्वीकार गर्दै विवाहको अनुमति दिइसकेका छन्।
हास्य टेलिसिरियल हुँदै अभिनय क्षेत्रमा प्रवेश गरेका उनी फिल्म, म्युजिक भिडियो र नाटकहरूमा समेत अभिनय गर्ने गरेका छन्। उनले अभिनय रहेको फिल्महरू हिट लिस्टमा समेत छन्। उनी हैट थेगोका कारण चर्चित छन्।
असोज ६, २०७९ बिहीबार २१:५२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
