‘प्रेम गीत ३’को हिन्दी भर्सन शुक्रबार रिलिज नहुने
काठमाडौंः चलचित्र ‘प्रेम गीत ३’को हिन्दी भर्सन शुक्रबार रिलिज नहुने भएको छ।
फिल्म निर्माण कम्पनी आशुसेन फिल्म्सले सूचना निकालेर प्राविधिक कारणले शुक्रबार चलचित्र रिलिज गर्न नसक्ने परिस्थिति सिर्जना गराइएको जनाएको छ।
वास्तविकता पछि जानकारी गराउने भन्दै निर्माता सन्तोष सेनले हिन्दी भर्सनको चलचित्र घटस्थापनाको दिनदेखि नेपालभर प्रदर्शनमा आउने जानकारी गराएको छ।
लामो विवादपछि यसअघि शुक्रबारबाट चलचित्रको हिन्दी भर्सनले प्रदर्शन गर्न अनुमति पाएको थियो। हिन्दी भाषामा भएकै कारण यसलाई हिन्दी फिल्म भनेर १५ प्रतिशत करसमेत लगाइएको थियो।
चलचित्रकाे नेपाली भर्सन भने शुक्रबारदेखि रिलिज हुँदैछ। यसकाे अग्रिम टिकट बुकिङ पनि आक्रामक छ।
असोज ६, २०७९ बिहीबार १६:२३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
