दीपकको जुक्तिः चार दिन सार्वजनिक बिदा पारेर ‘छक्का पन्जा ४’ रिलिज डेट घोषणा

काठमाडौंः नायक तथा निर्माता दीपकराज गिरि नेपाली चलचित्र क्षेत्रका चतुर खेलाडी हुन्। उनी चलचित्रसम्बन्धी हरेक निर्णय बडो चतुर्याइँपूर्वक गर्छन्।

चलचित्रको नाम राख्न होस् वा शूभमुर्हत गर्दा उनी ज्योतिषीलाई त देखाउँछन् नै ती बाहेकका पब्लिसिटीका अनेक क्रियाकलाप गर्छन्। यी सबै कुरामा माहिर उनी चलचित्र रिलिजको कुरामा माहिर नहुने कुरै भएन झन्।

पहिलो फिल्म ‘छ एकान छ’ बाहेन उनको समूहले निर्माण गरेको फिल्म दशैं तिहार वा अन्य ठूला पर्व बिदा पारेका हुन्छन्। यसपटक पनि उनले सोही जुक्ति अपनाएका छन्।

भर्खर सुटिङ सकिएको चलचित्रको पोस्ट प्रोडक्सनको काम सकेर फागुनमा रिलिज गरिने भएको छ।

चलचित्र निर्माण टीमले फिल्म फागुन १९ गते रिलिजको घोषणा गरेको छ।

फागुन १९ गतेपछि त्यो साता चार दिन सार्वजनिक बिदा रहेको छ। २० गते शनिबार यसै पनि सार्वजनिक बिदा भइहाल्यो। २२ र २३ गते होली पर्वको बिदा तथा २४ गते नारी दिवसको सार्वजनिक बिदा छ।

यसरी दीपकको टीमले चाडबाडमा जत्तिकै बिदा पाउने समयमा रिलिज गर्ने घोषणा गरेका हुन्।

भदौ ३१, २०७९ शुक्रबार १६:४०:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।