अजेय देवगनले खोले अहमदावादमा मल्टिप्लेक्स, कंगनाले गरिन् तारिफ

एजेन्सी: बलिउड अभिनेता अजेय देवगनले सिनेमा हल खोलेका छन्। हिजो भारतको अहमदावादमा उनले चार स्क्रिनवाला मल्टिप्लेक्स खोलेका हुन्।

अजेयले छिट्टै यो सिनेमाहललाई थ्रीडीमा पनि स्तरोन्नति गर्ने भएका छन्। भारतीय फिल्म समीक्षक तरण आदर्शले यसबारे जानकारी दिएका हुन्। उनका अनुसार अजेयले केही वर्षअघि एनवाई सिनेमाको सुरुआत गरेका थिए। एनवाईको हलहरू अहिले थुप्रै स्थानमा खुलेको छ। यो हल पनि एनवाईअन्तर्गतकै हो।

यसको नाम चाहिँ अजेयले आफ्ना छोराछोरीको नाममा खोलेका छन्।

यता बलिउड अभिनेत्री कंगना रनौटले भने अजेयको हल थप्ने निर्णयको तारिफ गरेकी छिन्। उनले आफ्नो इन्स्टाग्राम स्टोरीमा लेखेकी छिन्, 'यो सबैभन्दा राम्रो र प्रभावशाली निर्णय हो। यसको माध्यमबाट एक सुपरस्टारले आफ्नो पैसा र पावरको उपयोग गर्न सक्नेछन्। मल्टिप्लेक्सले रोजगारी मात्र दिँदैनन्, हाम्रो स्क्रिनको नम्बर पनि बढाउँछन्। भारतमा अहिलेसम्म सात हजार स्क्रिन छन्, जबकि चीनमा ७० हजार स्क्रिन छन्। यस्तोमा मल्टिप्लेक्स खोल्ने निर्णय एकदमै राम्रो हो। तपाईंलाई बधाई छ सर।'

भदौ ३१, २०७९ शुक्रबार ०९:२९:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।