मल्टिस्टारर फिल्म ‘के घर के डेरा’को टिजर रिलिज
काठमाडौंः कात्तिक ४ गते रिलिज मिति तोकेको मल्टिस्टारर फिल्म ‘के घर के डेरा’को टिजर सार्वजनिक भएको छ।
बिहीबार सार्वजनिक २ मिनेट ५९ सेकेण्ड लामो टिजरले काठमाडौंमा घर हुने र नहुने परिस्थितिको कथा बोलेको छ।काठमाडौंमा घर बनाउन परिवारबाट आउने दवाव कतिसम्म हुन्छ भन्ने विषयलाई टिजरमा देखाइएको छ।
दीपेन्द्र के. खनालको निर्देशनमा बनेको फिल्ममा दयाहाङ राई, विपीन कार्की, सुरक्षा पन्त, वर्षा राउतको मुख्य भूमिका छ।
रवीन्द्र झा, लक्ष्मी गिरी, आशान्त शर्मा, प्रभाकर न्यौपाने, सरोज अर्याल, कोशिस क्षेत्री, भोलाराज सापकोटा, घनश्याम जोशी लगायतका कलाकार पति फिल्ममा छन्।
ए प्लस इन्टरटेनमेन्टको ब्यानरमा बनेको फिल्मलाई शरद श्रेष्ठ, राजीव श्रेष्ठ र किरण महर्जनले निर्माण गरेका हुन्।
भदौ ३०, २०७९ बिहीबार १६:१२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
