दुई चर्चित सुपरस्टार पवन कल्याण र अल्लु अर्जुनबीच लफडा !

एजेन्सी: चर्चित दक्षिण भारतीय सुपरस्टार पवन कल्याण र अल्लु अर्जुनबीच हालै लफडा चलिरहेको छ। उनीहरू एकअर्कासँग बोलचाल समेत गर्न छोडेको एक दक्षिण भारतीय सञ्चारमाध्यमले जनाएको छ।

यो लफडा तब सतहमा आयो अब तीन दिनअघि पवन कल्याणको जन्मदिनमा अल्लु अर्जुनले 'विश' नै गरेनन्। अधिकांश सेलिब्रिटीहरूले जन्मदिनको शुभकामना दिइरहँदा अल्लु अर्जुनले थाहा नपाए झैँ गरेको रिपोर्टमा उल्लेख छ।

यसअघि पनि उनीहरूबीच सम्बन्ध ठीक नभएको भन्ने हल्ला चलिरहेको थियो। जन्मदिनमा शुभकामना नदिएको कुराले यसलाई पुष्टि गरेको जनाइएको छ।

अल्लु अर्जुन हाल आफ्नो हिट फिल्म पुष्पाको सिक्वेलमा काम गरिरहेका छन्। पवन कल्याण पनि 'हरि हरा वीरा मल्लु'मा काम गर्न लागेका छन्।

पवन कल्याण चर्चित कलाकार चिरञ्जीवीका भाइ हुन् भने रामचरणका काका हुन्। अल्लु अर्जुनको सानिमा चिरञ्जीवीकी श्रीमती हुन्।

यसरी यी दुई कलाकार एकअर्कासँग नबोले पनि नाता भने गासिएको छ।

भदौ २०, २०७९ सोमबार ११:५३:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।