फ्राइडे रिलिज: पूजा-आकाशको 'सम्हालिन्छ कहिले मन' र केकी-आँचलको 'झिँगेदाउ' भिड्दै

काठमाडौं: आज शुक्रबार दुई वटा नेपाली फिल्म प्रदर्शन भएका छन्। सुदर्शन थापाको निर्देशनमा बनेको चलचित्र 'सम्हालिन्छ कहिले मन' र ज्ञानेन्द्र देउजाको निर्देशनमा बनेको चलचित्र 'झिँगेदाउ' प्रदर्शनमा आएका छन्।

आपसमा जुधेका यी फिल्मले एक-अर्कासँगको प्रतिस्पर्धासँगै पहिल्यै हलमा कब्जा जमाएर बसेको फिल्म 'प्रकाश'सँग पनि भिड्नुपर्नेछ।

सम्हालिन्छ कहिले मन लभस्टोरी ड्रामा विधामा निर्माण भएको फिल्म हो। पूजा शर्मा, आकाश श्रेष्ठ र सोनाम तोप्देनको त्रिकोणात्मक प्रेम कथा यो फिल्ममा छ।

दुई घण्टा १० मिनेटको यो फिल्म प्रेम कथा हेर्न चाहनेहरूका लागि खुराक हुनसक्छ।

यस्तै अर्को फिल्म झिँगेदाउ पिरियोडिक फेमिली ड्रामा विधामा बनेको हो। स्वर्गीय लेखक भीमनिधि तिवारीको कथा 'झिँगेदाउ'मा आधारित यस फिल्ममा जुवाजस्तो सामाजिक समस्यालाई देखाउन खोजिएको छ।

फिल्ममा केकी अधिकारी, आँचल शर्मा, मुकुन भुसाल, कुशल विष्ट लगायतको अभिनय छ। करिब दुई घण्टा १० मिनेटको यस फिल्म हास्यरस र सन्देशमुलक भएको बताइएको छ।

भदौ १७, २०७९ शुक्रबार ११:४५:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।