के घर के डेराको फस्ट लुकमा दयाहाङ र विपिन हाबी

काठमाडौँ : दीपेन्द्र के खनालको निर्देशनमा बनेको फिल्म ‘के घर के डेरा’ को फस्ट लुक सार्वजनिक भएको छ। कात्तिक ४ रिलिज डेट रहेको फिल्मको फस्ट लुकमा दयाहाङ राई, विपिन कार्की, वर्षा राउत, सुरक्षा पन्त र रवीन्द्र झा फिचर्ड छन्।

दुई वटा पोस्टमा दयाहाङ र विपिन मात्र छन्। तेस्रोमा कलाकार समूह छन्। विपिनलाई राखिएको पोस्टरमा उनी चुरोटको बट्टाबाट काजु झिकेर खाँदै छन्। दोस्रो पोस्टरमा टाई–कोट र कालो चस्मामा दयाहाङ छन्। तेस्रोमा विपिन, वर्षा, सुरक्षा, दयाहाङ र रवीन्द्र छन्।

फिल्ममा लक्ष्मी गिरी, अशान्त शर्मा, प्रभाकर न्यौपाने, सरोज अर्याल, भोलाराज सापकोटा, घनश्याम जोशी, कोसिस क्षेत्री बाल कलाकार आयुशी ढकालको अभिनय छ।

ए प्लस इन्टरटेन्मेन्टको ब्यानरमा बनेको फिल्मको निर्मातामा शरद श्रेष्ठ, राजीव श्रेष्ठ र किरण महर्जन हुन्। कार्यकारी निर्मातामा युवराज कार्की छन्।

फिल्मको कथा सिङ्गो लामाको हो भने पटकथा/संवाद महेश दवाडीले लेखेका हुन्।  फिल्ममा दीर्घ गुरुङको छायाङ्कन, शङ्कर थापा स्माइलको सङ्गीत, सुव्रतराज आचार्य र डिपी खनालको शब्द, दीर्घ खड्काको सम्पादन रहेको छ।

भदौ १७, २०७९ शुक्रबार ००:४०:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।