के अल्लु अर्जुन हलिउड एन्ट्री गर्दैछन् ?
एजेन्सी: दक्षिण भारतीय फिल्म हुँदै प्यान इण्डियन फिल्ममा छाएका सुपरस्टार अल्लु अर्जुन हलिउड डेब्यु गर्न लागेको खबरले यतिबेला बलिउडमा सनसनी छाएको छ। अल्लुले मार्भल वा डीसीको सुपरहिरो फिल्मबाट हलिउड डेब्यु गर्ने चर्चा चलिरहेको छ।
यसअघि दक्षिण भारतीय कलाकार धनुषले हालै मात्र हलिउडमा डेब्यु गरे।
अल्लु अर्जुनको बारेमा चाहिँ पुष्टि भइसकेको खबर होइन, तथापि बजार हल्ला व्यापक छ। अझ न्युयोर्कमा भएको इण्डिया डे परेडमा उनले 'ठूला ठूला' व्यक्तिसँग भेटेको पनि बाहिर आएको छ।
'पुष्पा'को सफलतासँगै अल्लु आफैँ हलिउड प्रवेश गर्न विभिन्न मिटिङ गरिरहेको बताइएको छ।
अल्लुले सुपरहिरो फ्रेन्चाइजी फिल्म युनिटसँग छलफल गरिरहेका छन्। उनलाई हलिउड एन्ट्री गराउन सकिने लिस्टमा राखिएको छ।
पछिल्लो दिनमा फरहान अख्तर, शाहरुख खान, आलिया भट्टले पनि हलिउड डेब्यु गरेका छन्।
भदौ १६, २०७९ बिहीबार १०:५८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
