शनिबार ‘प्रकाश’काे सुःखद् व्यापार, आइतबार क्यूएफएक्समा कति शाे ?

काठमाडौं : प्रदीप खड्का स्टारर फिल्म ‘प्रकाश’ अहिले हलमा चलिरहेको छ। शुक्रबार पत्रकार सम्मेलन गरेर आफ्नो फिल्मलाई पर्याप्त शो नदिएको भन्दै नायक खड्काले आक्रोश पोखेपछि नेपालको सबैभन्दा ठूलो सिनेमा चेन क्यूएफएक्सले शनिबार २६ शो दियो। 

चलचित्रले क्यूएफएक्स चेनमा शुक्रबार १० शो मात्र पाएको थियो।

२६ शो पाउँदा चलचत्रिले शुक्रबारको तुलनामा सुखद् व्यापार गर्यो । दर्शकको फ्लो बढेको थियो। व्यापार पनि बढ्यो। तर, निर्माण पक्षको दाबीजस्तो सबै हाउसफूल भएन। चलचित्र हेर्नेहरूदले प्रदीपको अभिनयको भने तारिफ गरेका थिए।

क्यूएफएक्सले शो संख्या थपेसँगै अन्य हलले पनि शो संख्या बढाएका छन्। आइतबार क्यूएफएक्स चेनले ‘प्रकाश’लाई २३ शो दिने उनको वेबसाइट उल्लेख छ।

‘प्रकाश’ले २३ शो पाउँदा सँगै रिलिज भएको ‘राधा’ले भने जम्मा १० शो पाएको छ। त्यो पनि दिउँसोको समयमा मात्र। काठमाडौंका कुनै पनि क्यूएफएक्स चेनमा साढे तीन भन्दा उताको शो नै छैनन्। अहिले नेपाली हलमा २ नेपाली फिल्म प्रकाश र राधासँगै भारतीय फिल्म लाइगर समेत चलिरहेको छ।

लाइगरले सोचेजस्तो सकारात्मक प्रतिक्रिया नपाउँदा त्यसको फाइदा प्रकाशलाई हुने देखिन्छ। तर प्रकाशसँग प्रतिष्पर्धा गर्न आएको राधाले भने न राम्रो शो पाउन सकेको छ न त दर्शक।

भदौ ११, २०७९ शनिबार २२:३१:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।