रणवीरसँग भेट्दा नर्भस् भइन् मोडल मुना
काठमाडौँ : मालदिभ्सको समुन्द्र किनारबाट हट पोजका तस्बिर सार्वजनिक गर्दै आएकी मोडल मुना गौचन मुम्बई पुगेर रणवीर सिंहसँगको तस्बिर सार्वजनिक गरेकी छिन्।
मोडलिङहुँदै अभिनयमा प्रवेश गरेकी गौचनका लागि अभिनय त्यति फापेको छैन। मिस इको नेपाल २०१९ कि विजेता बनेकी उनी 'चपली हाइट-२' अनि 'जालो'मा अभिनय गरे पनि अभिनयमा कच्चै देखिएकी थिइन्।
पछिल्लो समय मालदिभ्समा रहेकी उनले एकाएक रणवीर सिंहसँगको तस्बिर सार्वजनिक गरिन्। तस्बिरमा रणवीर कुल देखिएका छन् भने मुना नर्भस्।
विन्दास छवीका रणवीरको फ्यानहरू नेपालमा टन्नै छन्। त्यतिका कलाकारसँग भेट्दा हल्का आत्तिनु सामान्य नै हो। तर मुना कुन प्रोजेक्टका लागि मुम्बई गएकी हुन् र रणवीरसँगको भेट प्रोजेक्ट अन्तर्गतै हो कि आकस्मिक भेट भन्ने खुलेको छैन।
भदौ १०, २०७९ शुक्रबार ०९:५३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
