महानगरले भत्कायाे अल्फाबिटा कम्प्लेक्सकाे अल्फाकेयर फार्मेसी
काठमाडौं : काठमाडौं महानगरपालिको बुद्धनगरस्थित अल्फाबिटा कम्प्लेक्समा बनाइएको अनाधिकृत संरचना भत्काएको छ।
मापदण्डविपरीत बेसमेन्टको दुरुपयोग गरिएको भन्दै महानगरले डोजर लगाएर भत्काएको हो।
बिहीबार विहान अल्फाबिटा कम्प्लेक्समा पुगेर अनुगमन गरेका शाह डोजरसहित गएर अनाधिकृत अल्फाकेयर फार्मेसीमा डोजर लगाएको हो। त्यसअघि उनले उक्त कम्प्लेक्सको नक्सामा ‘पाार्किङ’ लेखिएकोसमेत देखाएका छन्।
विहान कम्प्लेक्सका मालिक द्विराज शिवाकोटीले आफूहरूको सबै संरचना ठिक भएको बताएका थिए। आफूहरूको संरचना ठिक भएको बताउँदै उनले महानगर प्रमुखलाई ‘डन’को संज्ञा दिएका थिए।
अनुगमनपछि महानगरपालिकाले नक्साको अध्ययन गरेर अवैधानिक संरचना हटाउन डोजरसहित गएको थियो।
अल्फाबिटाले पार्किङका लागि प्रयोग गर्नुपर्ने बेसमेन्ट अवैध तरिकाले व्यवसायिक प्रयोजनमा भाडामा लगाएको महानगरले जनाएको छ।
भदौ ९, २०७९ बिहीबार १६:०२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
