प्रदीपलाई सात गाउँको रक्षक भन्दै ‘प्रेम गीत ३’को दोस्रो टिजर सार्वजनिक

काठमाडौं : असोज ७ गतेदेखि नेपाल र भारतमा एकसाथ प्रदर्शन हुन लागेको चलचित्र ‘प्रेम गीत ३’ को दोस्रो टिजर सार्वजनिक गरिएको छ।

शुक्रबार सार्वजनिक गरिएको दोस्रो टिजरमा नायक प्रदीप खड्कालाई सात गाउँको रक्षकको रूपमा देखाइएको छ। टिजरलाई नेपाली र हिन्दी दुवै भाषामा सार्वजनिक गरिएको छ।

पहिलोपटक नेपाली र हिन्दी संस्करणमा प्रदर्शन हुन लागेको फिल्मलाई सन्तोष सेनले निर्माण तथा निर्देशन गरेका छन्।

एक साताअघि फिल्मको पहिलो टिजर रिलिज गरिएको थियो । हिन्दी संस्करणमा डाइलग डेलिभरी राम्रो भएको भन्दै नेपालीभन्दा हिन्दी संस्करणलाई दर्शकले रूचाएका थिए।

प्रदीप खड्का, क्रिस्टिना गुरुङको मुख्य भूमिका रहेको फिल्ममा सुनिल थापा, सन्तोष सेन, माओत्से गुरुङ, पुस्कर कार्की, प्रेम पुरी, अनुभव रेग्मी, योगिशा खत्री, जीवन भट्टराई, लक्ष्मी बर्देवालगायत कलाकारको अभिनय छ।

फिल्मको कथा स्वर्गीय निर्देशक छेतेन गुरुङको हो । फिल्ममा उनीसँगै निर्देशनमा सन्तोषले सहकार्य गरेका थिए।

भदौ ३, २०७९ शुक्रबार १३:२५:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।