'प्रेम गीत ३' ले नेपाली फिल्मको बजार विस्तार गर्ला कि हल्ला ?

पाकिस्तानका चर्चित युट्युबर जोडीले आफ्नो च्यानल 'रियाक्शन बाई सुलेमन'मा प्रेम गीत ३ को टिजरको रियाक्शन भिडियो बनाएर हाले। हिन्दी डबको टिजर रियाक्शनमा यो जोडीले फिल्म हेर्न उत्साहित भएको प्रतिक्रिया दिए।

बलिउडका मसलेदार कन्टेन्ट दिने 'आरोही फिल्मस्' नामको युट्युब च्यानलले पनि इण्डो-नेपाली फिल्मलाई एक मौका दिन आग्रह गरेको गरेकै छ। 

आरोही फिल्मस्‌ले त प्रेम गीत ३ ले नेपाली फिल्मलाई भारतमा बाटो खुलाएको समेत बतायो।

बलिउड फिल्म उद्योगमा राम्रो पकड जमाएका फिल्म समीक्षक हुन्- तरण आदर्श। उनले प्रेम गीत ३ को टिजर ट्वीटरमा राख्दै ट्रेलर सार्वजनिक हुने मिति र फिल्म प्रर्दशनमा आउने मिति समेत घोषणा गरेका थिए। 

भारतभन्दा बाहिरका देशमा पनि एकसाथ स्क्रिनिङ हुन्छ। नेपालबाहेक अन्य सबैतिर स्क्रिनिङ हजारदेखि १२ सयसम्म होला भन्ने लागेको छ।'

अगष्ट १८ मा फिल्मको ट्रेलर सार्वजनिक हुने भनिए पनि फिल्मका निर्देशक सन्तोष सेनले मिति सरेर सेप्टेम्बरमा पुर्यााए।

बलिउडकै ट्रेड एनालिस्ट तथा समीक्षक सुमित कडेलले पनि फिल्मको टिजर सार्वजनिक गर्दै ट्रेलर सार्वजनिक हुने मिति लेखेर ट्वीट गरेका थिए।

यी बाहेक भारतका चर्चित युट्युबरहरूले प्रेमगीत ३ को टिजरमा रियाक्शन भिडियो बनाएका छन्।

फिल्मलाई कसैले बाहुबलीसँग तुलना गरेका छन् भने कसैले थोरै बजेटमा यत्ति गज्जबको फिल्म बनाउनु 'जादू' भएको प्रतिक्रिया दिएका छन्।

भारतमा ६ सयदेखि ८ सय हलमा शो
यतिबेला प्रेम गीत ३ का निर्देशक सन्तोष सेन भारतमा छन्। फिल्मको बजार विस्तारबारे म्यासेन्जरमार्फत कुरा गर्दै उनले भारतमा ६ सयदेखि ८ सयसम्म हलमा एकसाथ फिल्म प्रदर्शन हुन लागेको जानकारी दिए।

उनका अनुसार फिल्म राम्रो भएमा शो सङ्ख्या थपिनेछ।

उनले भने, 'भारतभन्दा बाहिरका देशमा पनि एकसाथ स्क्रिनिङ हुन्छ। नेपालबाहेक अन्य सबैतिर स्क्रिनिङ हजारदेखि १२ सयसम्म होला भन्ने लागेको छ।'

करिब तीन करोड लगानीको फिल्म हार्डड्राइभमा थन्किँदा निर्माता निर्देशकलाई पक्कै निद्रा लागेन। त्यसमाथि फिल्मका अर्का निर्देशक छेतेन गुरुङको निधन भएपछि त सम्पूर्ण जिम्मा सन्तोषको काँधमा आइपुग्यो।

ट्रेलर सार्वजनिक भएपछि चाहिँ कति स्क्रिन प्राप्त हुन्छ भन्ने थाहा हुने उनले बताए। 

भारत र पाकिस्तानका सञ्चारमाध्यमले आफ्नो फिल्मलाई गरेको प्रोत्साहन देखेर आफू भावविह्वल भएको पनि बताए। 

भन्छन्, 'डर पनि उत्तिकै छ। तर नेपालको फिल्म भनेर जसरी गैरनेपाली दर्शकले एप्रिसियट गरेका छन्, त्यो सपना जस्तै लागेको छ।'

टिजरले पलाएको आस
कोरोना महामारीले आक्रान्त नपारेको भए यो फिल्म २०७६ चैत २८ गते नै सिनेमा हलमा प्रदर्शन भइसक्थ्यो।

तर, कोरोनाले फिल्मलाई हार्डड्राइभमा थन्काइदियो। करिब तीन करोड लगानीको फिल्म हार्डड्राइभमा थन्किँदा निर्माता निर्देशकलाई पक्कै निद्रा लागेन। त्यसमाथि फिल्मका अर्का निर्देशक छेतेन गुरुङको निधन भएपछि त सम्पूर्ण जिम्मा सन्तोषको काँधमा आइपुग्यो।

कोभिडकै कारण सन्तोषले भारतमा बजार देखे। विभिन्न सञ्चारमाध्यममा उनले यसअघि भनेका पनि थिए, 'कोभिडको समयमा घरमा बसेर टिभी हेर्दै थिएँ, २० वर्ष पुरानो साउथ फिल्म चलिरहेका देखें। त्यति पुराना फिल्म त चलिरहेको छ भने मेरो नयाँ फिल्म स्याटेलाइट प्रविधिबाट किन प्रर्दशन नहोला?'

भारतमा उनी 'इम्पोसिबल फिल्मस्'को सम्पर्कमा पुगे। यसले साउथ फिल्महरू किनेर प्रर्दशन गर्ने गर्छ। फिल्म हेरिसकेपछि इम्पोसिबल फिल्मस्‌का प्रबन्ध निर्देशकले नेपाली बाहेक सबै अधिकार म लिन्छु भने, सन्तोष दंग परे।

फिल्ममा मिक्सिङ इन्जिनियर जस्टिन जोस, संगीतकार अमर मोही, एडिटर बन्टिङ एगी लगायतले पोस्ट प्रोडक्सनको काम गरेका छन्। 'बाहुबली'मा राजमाताको स्वर दिएकी भ्वाइस ओभर आर्टिस्ट सबिना मलिक मौसम, भल्लालदेवको स्वर दिएका भ्वाइस ओभर आर्टिस्ट मनोज पण्डितले फिल्मलाई हिन्दीमा डब गरे।

रामचरण, प्रभास, महेश बाबु, थालापति विजय लगायत कलाकारका लागि आवाज दिएका संकेत महात्रेले प्रदीप खड्काको लागि भ्वाइस ओभर गरे। 

कृष्टिना गुरुङको आवाज पूजा पञ्जावीले दिइन्। उनले तमन्ना भाटिया, काजल अग्रवाल जस्ता कलाकारका लागि भ्वाइस ओभर गरिसकेकी छिन्। 

अन्य ठूला ब्यानरका चर्चित फिल्ममा भ्वाइस ओभर गर्नेहरू पनि छन्।

प्रेम गीत ३ ले प्रभाव पार्न सकेन भने चाहिँ नेपाली फिल्मको दायरा पहिलेकै अवस्थामा सीमित हुने उनले बताए। यसले बजार विस्तार गर्ला या हल्ला मात्रै विस्तार गर्ला त्यो चाहिँ फिल्म प्रर्दशन भएपछि मात्रै भन्न सकिने उनले बताए।

सुरुमा त सन्तोषले भ्वाइस ओभर गरिरहेको भिडियो सामाजिक सञ्जालमा राखेका थिए। त्यो भिडियो हेरेर नेपाली फिल्म क्षेत्र दंगै पनि परेको थियो। तर दर्शकलाई पहिलो गाँसमा ढुङ्गा भयो 'हात्ती ढुङ्गामा' बोलको गीतबाट।

यो गीत बलिउडका किलिमन्जारो, विस्मिल र खलीबली गीतहरूको 'मिक्सअप' जस्तो देखिन्थ्यो।

यता केही दिनअघि टिजर नेपाली र हिन्दी दुवै भर्सनमा सार्वजनिक भयो। नेपाली दर्शकलाई भने हिन्दी भर्सनले लोभ्यायो। 

फिल्मलाई पहिलो इन्डो नेपाली फिल्म भनेर प्रचार गरिएको छ।  फिल्म विज्ञहरू पनि हिन्दी डबमा प्रदर्शन हुन लागेको पहिलो फिल्म भन्नेमा सहमत छन्।

'वेट एण्ड सि'को अवस्थामा फिल्मकर्मी
नेपाली फिल्म वृत्तका मानिसहरू भने यतिबेला 'वेट एण्ड सि' को अवस्थामा छन्। कला पत्रकार सामीप्यराज तिमल्सिना भन्छन्, 'उत्साहित छौं। तर कस्तो प्रतिक्रिया आउने हो भनेर सास रोकेर बसेका छौं।'

तिमल्सिनाका अनुसार, यदि प्रेम गीत ३ सफल भए यसले पक्कै भारतीय बजारमा नेपाली सिनेमाको ढोका खोल्नेछ। 

तर, प्रेम गीत ३ ले प्रभाव पार्न सकेन भने चाहिँ नेपाली फिल्मको दायरा पहिलेकै अवस्थामा सीमित हुने उनले बताए। यसले बजार विस्तार गर्ला या हल्ला मात्रै विस्तार गर्ला त्यो चाहिँ फिल्म प्रर्दशन भएपछि मात्रै भन्न सकिने उनले बताए।

'नेपाल भनेको भारतको फिल्म कपी गरेर बनाउने देश हो भनेर नचिनियोस् भन्ने कामना छ।'

नेपालमा चलेका फिल्म निर्माता तथा निर्दैशकहरू भने प्रेमगीतको चर्चा बजार विस्तार नै हो अथवा हल्ला विस्तार हो भन्ने विषयमा तत्कालै बोल्ने बेला नभएको बताउँछन्।

उनीहरूका अनुसार फिल्म प्रर्दशन भएपछि मात्रै यसको लेखाजोखा राख्न सकिन्छ।

प्रायः दर्शकले भने आफ्नो सामानमाथि पूर्णरूपमा भरोसा गर्न नसकेको प्रतिक्रिया दिएका छन्। पुग्नु मात्रै ठूलो कुरो हैन, दर्शकले हेरिसकेपछि कस्तो प्रभाव पर्छ भन्ने कुरा महत्त्वपूर्ण हो, भन्ने प्रतिक्रिया दिएका छन्।

'सन्तोष सेनले गरेको काम तारिफयोग्य हो', नाम नबताउने सर्तमा एक निर्देशकले भने, 'तर यसले न्युटनको चालको तेस्रो नियमको परिणाम नदेओस् भन्ने कामना हो।' 

ती निर्देशकका अनुसार प्रेम गीत ३ एक्लै भारत गएको होइन, सम्पूर्ण नेपाली फिल्मको बाटो खोल्न भारत गएको हो। र 'नेपाली फिल्म भनेको पात हो' भन्ने प्रभाव पारेर नेपाल फर्किए अहिले बनिरहेको माहोल पनि भद्रगोल हुनसक्ने उनले बताए।

प्रेम गीत ३ को टिजरमै अधिकांश कथा र प्रस्तुति बाहुबलीजस्तो देखिएको छ। बाहुबली हेरिसकेका दर्शकले फेरि नेपाली बाहुबली किन हेर्ने भन्दै ती निर्देशकले भने, 'नेपाल भनेको भारतको फिल्म कपी गरेर बनाउने देश हो भनेर नचिनियोस् भन्ने कामना छ।'

टिजर हेरेर पूरै फिल्मको अनुमान गर्न नमिले पनि प्रेम गीत ३ ले मधुरो आशा भने जगाएको ती निर्देशकको भनाइ छ।

भदौ २, २०७९ बिहीबार १५:०५:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।