बलिउडमा अक्षय कुमार र आमिर खानको भिडन्त
काठमाडौं : बलिउड अभिनेता अक्षय कुमार र आमिर खान मिल्ने साथी हुन्। तर यी दुई स्टार यतिबेला भने आफ्ना फिल्मका कारण एकअर्कासँग भिडन्त गर्दैछन्।
अक्षय कुमार अभिनित फिल्म 'रक्षा बन्धन' र आमिर खानको फिल्म 'लाल सिंह चड्ढा' एक साथ ११ अगस्टमा रिलिज हुँदैछन्। लामो समयदेखि हिट फिल्म देख्न नपाएको बलिउड भने यी दुवै फिल्म हिट हुन् भन्ने चाहन्छ।
अक्षय कुमारको टिममा अहिले आनन्द एल. रायको इन्ट्री भएको छ। उनको साथमा अक्षय कुमार थुप्रै फिल्ममा काम गर्दैछन्।
आनन्द नाता-गोताको सम्बन्धलाई लिएर फिल्म बनाउँछन्। रक्षा बन्धन पनि उनको यस्तै फिल्म हो जुन भाइ-बहिनीको सम्बन्धको कथालाई फिल्ममा उतारिएको छ।
के दर्शक भाइ-बहिनीको नातामा बनेको फिल्म हेर्न हलसम्म जालान्?, के लाल सिंह चड्ढा जस्तो ठूलो व्यानरको फिल्मसँग रक्षा बन्धनले भिड्न सक्ला? अहिले यो प्रश्नले बलिउड तातेको छ।
साउन २५, २०७९ बुधबार ११:२०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
