रेखा शाहको तीज गीत 'छमछम पातली कम्मर' सार्वजनिक
काठमाडौँ : हरितालिका तीज पारेर गायिका रेखा शाहले 'छमछम पातली कम्मर' सार्वजनिक गरेकी छिन्। टेकेन्द्र नेपाली र मनोज नेपालीको शब्द अनि टेकेन्द्र नेपालीको सङ्गीतमा तयार भएको गीतलाई पुष्कर खत्रीले सङ्गीत संयोजन गरेका छन्।
फाइन ट्युन रेकर्डिङ स्टुडियोमा रेकर्ड भएको सो गीतको म्युजिक भिडियोमा अभिनेत्री नीता ढुंगानासँगै गायिका शाहले अभिनय गरेकी छिन्। रेखा शाह फाउन्डेसनको व्यानरमा निर्माण भएको गीतको म्युजिक भिडियोलाई स्मृति तिमिल्सिनाले निर्देशन र कोरियोग्राफी गरेकी छिन्।
रुपेश थापाको छायांकन, मिलन विश्वकर्माको सम्पादन रहेको गीतमा नायिका ढुंगानाले तीजमा देखिने नारीहरूको मनोभावलाई दुरुस्त उतार्दै नृत्य गरेकी छिन्। 'सिमसिमे पानीमा' कालजयी लोकगीतकी सर्जक गायिका शाहका यसअघि पनि तीज गीतहरू सार्वजनिक भएका थिए। गायिका शाहले यो गीत आफ्नै युट्युव च्यानल 'रेखा शाह'बाट सार्वजनिक गरेकी हुन्।
साउन १९, २०७९ बिहीबार १४:४७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
