'प्रेम गीत ३' को नाम 'विश्वजितम' नहुने, सार्वजनिक भयो हिन्दी भर्सनको पोस्टर
काठमाडौंः 'प्रेम गीत ३' भारतमा हिन्दी भाषामा उही नाममा रिलिज हुने भएको छ। यसअघि 'विश्वजितम' नाममा प्रदर्शनमा आउने भनिए पनि अब भने नाम परिवर्तन नहुने भएको छ।
'तपाईंहरू सबैले व्यग्र प्रतीक्षा गरेको नेपाली फिल्म प्रेम गीत ३ हिन्दी भाषामा पनि सोही नामबाटै प्रदर्शनमा आउन लागेको खुसीको खबर सुनाउन चाहन्छु। यसअघि विश्वजितम नामबाट आउने तयारी यताको टिमले गरेको थियो', निर्देशक सन्तोष सेनले बताए।
यस्तै निर्माण पक्षले चलचित्रको हिन्दी भाषाको पोस्टर पनि सार्वजनिक गरेको छ।
चलचित्र असोज ७ गते रिलिज हुँदैछ। भारतमा सेप्टेम्बर २३। यसलाई भारतीय सञ्चारमाध्यमले पहिलो इण्डो-नेपाली फिल्म भनेका छन्।
चलचित्रमा प्रदीप खड्का, कृष्टिना गुरुङ, शिव श्रेष्ठ, अनुभव रेग्मी लगायतको अभिनय छ।
साउन १६, २०७९ सोमबार १२:०५:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
