विवाहअघि यी ६ पुरुषसँग जोडिएकी थिइन् प्रियंका चोपडा

काठमाडौं : बलिउड अभिनेत्री प्रियंका चोपडासँग विवाह गर्नुभन्दा पहिला निक जोनासको नाम आठ जना महिलासँग जोडियो। यता, प्रियंकाको पनि विवाहपूर्व ६ जना पुरुषसँग अफेयर चलेको र सातौं नम्बरका निकसँग विवाह भएको भारतीय समाचार एजेन्सीहरुले जनाएका छन्।

यी हुन् निकसँग विवाह हुनुअघि प्रियंकासँग नाम जोडिएका ६ पुरुष:

१. असीम मर्चेन्ट
प्रियंकाको जीवनमा सबैभन्दा पहिला आएका पुरुष हुन् असीम जतिबेला उनी मोडलिङ गर्दै थिइन्। जब प्रियंकाले मिस वर्ल्डको उपाधि जितिन् असीमसँगको नाता तोडिदिइन्।

प्रियंकाले छोडेपछि असीम निकै निराश भए। उनले आफू र प्रियंकाबीच घटेको घटनामा आधारित भएर फिल्म '६७ डेज' बनाउने घोषणा समेत गरे। तर यो फिल्म अगाडि बढेन।

२. अक्षय कुमार
अन्दाज, मुझसे सादी करोगी, वक्त- रेस अगेंस्ट टाइम जस्ता फिल्ममा सँगै काम गर्दा अक्षय र प्रियंका नजिकिए। तर अक्षय विवाहित भएका कारण कुरा बिग्रियो। यो कुरा अक्षयकी पत्नी ट्विंकल खन्नासम्म पुग्यो र उनले अक्षयलाई प्रियंकासँग फिल्म खेल्न प्रतिबन्ध लगाइदिइन्। त्यसपछि यो प्रसंग त्यसै सेलायो।

३. हरमन बावेजा
अक्षयपछि प्रियंकाको जीवनमा हरमन बावेजाको इन्ट्री भयो। फिल्म निर्माता ह्यारी बावेजाका छोरा हरमन त्यतिबेला बलिउडमा पाइला राख्ने तयारी गर्दै थिए।

हरमनको पहिलो फिल्म 'लभ स्टोरी २०५०' मा सुरुमा करिना कपुरलाई हिरोइन लिइयो। तर करिनाले फिल्म खेल्न मानिनन्। त्यसपछि प्रियंकाले यो फिल्ममा अवसर पाइन्। फिल्म फ्लप भयो। हरमन र प्रियंकाले फेरि अर्को फिल्ममा सँगै काम गरे। त्यो फिल्म पनि फ्लप भएपछि उनीहरुबीचको प्रेम अंकुराउन नपाउँदै अन्त्य भयो।

४. शाहिद कपुर
प्रियंकाको नाम शाहिद कपुरसँग पनि जोडियो। तर जब इनकम ट्याक्सका अधिकारीहरुले प्रियंकाको घरमा छापा मारे, त्यतिबेला शाहिदले प्रियंकाको घरको ढोका खोलेको भन्ने समाचार आयो। यही घटनाले उनीहरुको सम्बन्ध पनि पानीको फोका जस्तै बिलायो।

५. शाहरुख खान
एक समय किङ खान शाहरुखसँग पनि जोडियो प्रियंकाको नाम। भनिन्छ, सँगै फिल्ममा काम गर्दागर्दै उनीहरु एकअर्कालाई मन पराउन थाले। तर यो खबर जब बलिउड निर्देशक करण जौहरको कानमा पुग्यो, उनी शाहरुखकी पत्नी गौरीको पक्षमा उभिए। त्यसपछि शाहरुख यो चर्चा सकियो।

६. टम हिडलस्टन
एउटा पार्टीपछि टम र प्रियंका खुलेआम सँगसँगै हिँड्न थालेका थिए। एकअर्काको हात समाएर हिँडिरहेका देखिन्थे। सेल्फी खिच्थे। फोन नम्बर आदानप्रदान पनि भयो। जब प्रियंकाले आफ्नो एक जना अमेरिकनसँग अफेयर रहेको बताइन्, यो खबर सबैतिर फैलियो। त्यसपछि टम उनीबाट टाढा भए।

७. निक जोनास
सन् २०१८ मा जब प्रियंकाले अमेरिकन गायक निक जोनाससँग इन्ट्री मारिन् सबैको ध्यान त्यतैतिर मोडियो। उनीहरु सँगै देखिन थाले। निकलाई लिएर प्रियंका अमेरिकाबाट भारत आइन्। परिवारसँग भेटाइन्। अन्तत: प्रियंकाले निकलाई जीवनसाथी बनाइन्।

-एजेन्सी

साउन ५, २०७९ बिहीबार १६:५०:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।