विद्यासुन्दरको कार्यकालमा खरिद गरिएका तीन दमकल काठमाडौं आइपुगे
काठमाडौंः काठमाडौं महानगरपालिकामा तीन नयाँ दमकल थप भएका छन्। महानगरका पूर्वमेयर विद्यासुन्दर शाक्यको कार्यकालमा खरिद गरिएका दमकल हिजो वीरगञ्ज नाकामा आएको थियो। आज दमकल काठमाडौं आइपुगेको हो।
महानगरका मेयर बालेन्द्र शाहले आज सामाजिक सञ्जालमार्फत दमकल महानगर आइपुगेको जानकारी दिएका हुन्। उनले लेखेका छन्, 'महानगरले आगलागीको रोकथाम र क्षति कम गर्न पहिलेदेखि कार्यहरू गर्दै आएको छ। सोही अनुरूप पूर्वमेयर विद्यासुन्दर शाक्यकै पालामा भएको दमकल खरिद प्रक्रियाअन्तर्गत ३ दमकलहरू महानगरमा आइपुगेका छन्। दमकलहरूको वैज्ञानिकतवरमा उच्चतम प्रयोग गरेर आगलागीबाट हुने क्षति कम गर्न महानगर प्रतिबद्ध छ।'
गत वर्ष (२०७८ साउन ३) पूर्वमेयर शाक्यले दमकल खरिद गर्न इण्डोनेसियाको कम्पनीसँग ५ लाख ७५ हजार ९३३ अमेरिकी डलरमा सम्झौता गरेका थिए।
साउन ३, २०७९ मंगलबार ११:२३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
