१३ वर्षीय किशोरीलाई बलात्कार गरेको आरोपमा एक जना पक्राउ
पोखरा : पोखरामा नाबालिकालाई जबरजस्ती करणी गरेको आरोपमा एक जना युवकलाई प्रहरीले पक्राउ गरेका छ। १३ वर्षीया किशोरीलाई फकाई जबरजस्ती करणी गरेका आरोपमा प्रहरीले पोखरा –१३ बस्ने २४ बर्षिय खिमबहादुर विकलाई पक्राउ गरेको हो।
असार ३१ मा बिकले ती किशोरीलाई फकाई पोखरा–५ लब्लीडाँडामा लगी जबरजस्ती करणी गरेको भन्ने सूचनाको आधारमा पक्राउ गरिएको जिल्ला प्रहरी कार्यालय कास्कीका निमित्त प्रवक्ता एवं प्रहरी निरीक्षक ज्ञान बहादुर खड्काले जानकारी दिए।
प्रहरी निरीक्षक खड्काका अनुसार बिकलाई जिल्ला प्रहरी कार्यालय कास्कीबाट खटिएको प्रहरी टोलीले असार ३२ गते पक्राउ गरेको हो। आरोपित बिकलाई जबरजस्ती करणी मुद्दामा कास्की जिल्ला अदालतबाट १० दिन म्याद थप गरी घटनाको अनुसन्धान भई रहेको खड्काले बताए।
साउन १, २०७९ आइतबार २२:१४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
