शाहरुख खानको फिल्म 'जवान'मा साउथ सुपरस्टार विजयको प्रवेश

एजेन्सीः बलिउड अभिनेता शाहरुख खान लामो समयपछि ठूलो पर्दामा आउन लागेका छन्- फिल्म 'जवान'मार्फत। फिल्मको शुटिङ पनि जारी नै छ।

शाहरुख यतिका समय निष्क्रिय जस्तै बसे पनि अहिले राजकुमार हिरानीको 'डंकी', सिद्धार्थ आनन्दको 'पठान' र एटलीको 'जवान' मा एकसाथ काम गरिरहेका छन्।

यता जवानमा भने शाहरुखलाई साथ दिन आइपुगेका छन्- साउथ फिल्मका सुपरस्टार थलापति विजय। भारतीय सञ्चारमाध्यमको रिपोर्टलाई आधार मान्ने हो भने विजय यो फिल्ममा मुख्य भिलेनको रूपमा देखिँदैछन्।

रोचक त के छ भने, विजयले यो फिल्मको लागि एक रुपैयाँ पनि नलिने भएका छन्। कारण हो- निर्देशक एटली र विजयबीचको मित्रता।

यी दुईले यसअघि 'थेरी' र 'मेर्सल' जस्ता सुपरहिट फिल्ममा काम गरिसकेका छन्।

जवान २ जुन २०२३ मा रिलिज हुनेछ। फिल्म पाँच वटा भाषामा प्रदर्शनमा आउने बताइएको छ।

असार ३०, २०७९ बिहीबार १२:२३:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।