त्यस्ती क्युट साम्राज्ञीलाई किन यस्ती झुर देखाए !

फिल्म ‘ह्यारी कि प्यारी’ साम्राज्ञी राज्यलक्ष्मी शाह अनि जितु नेपाल दुबैका लागि चुनौती हो। ग्ल्यामरस छविका नायकहरूसँग जोडी बन्ने गरेकी साम्राज्ञी पहिलो पटक हास्य कलाकारको एकल जोडी बनिन्।

जितुले ग्ल्यामरस छविका नायिकासँग अभिनय गरेका नै थिए। तर दीपक-दीपा क्याम्प बाहिर सोलो भूमिका छ यो फिल्ममा उनको। पात्र चयन अनि नामबाटै एक मोर्डन युवतीको प्रेममा पर्ने ग्रामीण परिवेशको युवाको कथा केन्द्रित फिल्म हो भन्ने देखिन्छ नै।

फस्टलुकले पनि यही देखाउँछ। फिल्म कार्तिक २५ मा रिलिज हुँदैछ। तर जुन गुणस्तरको फस्टलुक आयो फिल्मको पारा पनि त्यही हो भने चैँ फिल्मलाई दर्शकले स्वागत गर्ने सम्भावना निकै कम छ।

नायिका साम्राज्ञी नै हो या हैन भन्ने जसरी बनाइएको फष्टलुक पोस्टरको डिजाइन निकै झुर छ। क्लासिक पोस्टरको लुक्स दिने प्रयास गरेझैँ देखिन्छ। तर यति झुर छ कि पोस्टर दर्शकको ध्यान तान्नै सक्दैन। फिल्मले पनि यसरी नै दर्शकको ध्यान तानेन भने त निर्माताको हातमा न ह्यारी रहन्छ न प्यारी।

असार २९, २०७९ बुधबार ००:२४:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।