‘लाखे’ को सस्पेन्स थ्रीलर टिजर सार्वजनिक

काठमाडौँ : फिल्म ‘लाखे’ को निर्माण समूहले शुक्रवार टिजर सार्वजनिक गरेको छ। ओएसआर डिजिटलमार्फत टिचर सार्वजनिक गरिएको हो।

भदौ ३१ गते प्रदर्शन मिति तोकिएको ‘लाखे’ को टिजर सस्पेन्स र थ्रीलरमा केन्द्रित गरिएको छ। नेपाली फिल्म मेकरहरुले क्राइम थ्रिलरमा फिल्म बनाउने प्रयास गरे पनि सधैँ कमजोर प्रस्तुति देखिने गरेका छन्। टिजर निर्माणमा टिमले जति मिहेनत गरेको देखिन्छ फिल्म निर्माणमा त्यही अनुसारको मिहिनेत भए फिल्म हेर्न लायक देखिन्छ।

सम्राट् बस्नेत निर्देशित फिल्ममा सौगात मल्ल, अनुप विक्रम शाही, वर्षा राउत,  आर्यन अधिकारी, सुशील सिटौला, प्रशान्त ताम्राकार, अर्पण थापा, रोहित रुम्बा, सन्जोग राणा, रक्षा बुढाथोकी, कालु राना र बाल कलाकार सिस्टम भण्डारी मुख्य भूमिकामा छन्।

गणेश मल्ल ठकुरी (जिएम) को प्रस्तुति रहेको फिल्मको कथाकार र निर्माता सिजन अर्याल हुन्। हरि मल्ल ठकुरी कार्यकारी निर्माता रहेको फिल्म सुसन प्रजापतिले खिचेका हुन्।

ग्लोबल मिडिया एन्ड रिसर्च सेन्टर र औरिवन प्रोडक्सनको ब्यानरमा निर्माण भएको फिल्मको पटकथा,संवाद आकाश बरालले लेखेका हुन। दीपक बज्राचार्यको सङ्गीत, कविराज गहतराजको कोरियोग्राफी, निर्देशक सम्राटकै द्वन्द्व निर्देशन र दिलीप पन्तको प्रोडक्शन डिजाइन रहेको फिल्मलाई आरआर फिल्मस्को वितरण गर्दैछ।

असार २४, २०७९ शुक्रबार २२:५५:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।