सौगातले नाइँ भन्दा फिल्म एक्स-९ को निर्माण टिम तनावमा

काठमाडौँ : तोकिएको मितिमा छायाङ्कन सुरु नगरेपछि फिल्म ‘एक्स ९’ मा नायक सौगात मल्लले अभिनय नगर्ने भएका छन्।

पहिला फिल्मको छायाङ्कन फ्रेबुअरीमै गर्ने भनिएको थियो। त्यही योजना अनुसार अनमोल केसी, पुष्प खड्का र सौगात मल्ल अनुबन्धित भए। फिल्मका लागि ज्यान बनाउन तीनै नायक जिम जोइन पनि गरे।

तर तोकिएको मितिमा फिल्मको छायाङ्कन सुरु हुन सकेन। कलाकारहरू एक पछि अर्को प्रोजेक्टहरूमा जोडिन थाले। अब भने निर्माण टोली फिल्मलाई फ्लोरमा लैजाने तयारीमा लागेका छन्।

तर योबिचमा फिल्मका तीन नायकमध्ये सौगात भने छुट्ने देखियो। फिल्मको कथा राम्रो भएको भन्दै अनमोल र पुष्प फिल्ममा अभिनय गर्न राजी छन्। तर सौगातले भने बहाना बनाउँदै फिल्म खेल्न नसक्ने बताएका छन् निर्माण टिमलाई।

उनले अर्कै प्रोजेक्टमा आफू अनुबन्धित भइसकेकाले अभिनय गर्न नसक्ने र अन्य सेड्युलहरु पनि प्याक भइसकेको बताएको स्रोतले उकेरालाई जानकारी दियो।

असार २३, २०७९ बिहीबार २३:०१:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।