यस्ती पो भइछिन् अभिनेत्री बिना बुढाथोकी

काठमाडौँ : अहिलेका पुस्ताका लागि अभिनेत्री बिना बुढाथोकी अपरिचित नाम भइसक्यो। बरु उनीहरू टिकटकमा आइरहने तिर्सना बुढाथोकी चिन्छन् तर कुनै समयकी चर्चित नेपाली नायिका बिनालाई चिन्दैनन्।

एक त युट्युबहरूमा पुराना फिल्मका अर्काइभ छैन। उनले अभिनय गर्न छाडेको २ दशक भइसक्यो। त्यसले पनि उनी अहिलेका नेपाली फिल्म प्रेमी दर्शकमाझ पनि अपरिचित भइसकेकी छिन्।

तर कुनै समय उनको अभिनयको कायल दर्शक टन्नै थिए। उनी फिल्म निर्देशक रमेश बुढाथोकीकी श्रीमती हुन्। तर आफ्नो अभिनय कलाले उनले निर्देशकको श्रीमती भन्दा पनि स्वतन्त्र परिचय बनाइसकेकी थिइन्।

उनी एकाएक अमेरिका लागिन्। अनी उतै व्यस्त भइन्। उनी अन्य कलाकार जस्तो सामाजिक सञ्जालतिर पनि छैनन्। त्यसैले उनी दर्शकको स्मृतिबाट पनि हराउँदै गइन्।

उनै कलाकार बिनालाई अर्की नेपाली कलाकार ऋचा घिमिरेले सम्झाइदिइन् सामाजिक सञ्जाल मार्फत नै ऋचा पनि कहाँ नेपालमा छिन् र। उनी पनि उतै अमेरिकातिर छिन्। तीन जनाको राखिएको फोटोमा एक त उनी नै भइहालिन्। अर्की उषा पौडेल अनि तेस्री बिना।

असार २०, २०७९ सोमबार २०:०५:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।