फिल्म 'लाइगर'को पोस्टर सार्वजनिक, पूरै नग्न अवतारमा नायक विजय देवरकोण्डा

एजेन्सीः दक्षिण भारतीय चलचित्र उद्योगका अभिनेता हुन्- विजय देवरकोण्डा। 'डियर कमरेड', 'वर्ल्ड फेमस लभर' जस्ता फिल्मबाट आफ्नो थुप्रै फ्यान फलोइङ कमाएका यी अभिनेता 'लाइगर' फिल्मबाट पुन पर्दामा आउँदैछन्।

यो फिल्म बहुप्रतीक्षित हो। फिल्ममा विजयसँगै अनन्या पाण्डे पनि देखिनेछिन्।

फिल्मको अहिले पोस्टर सार्वजनिक भएको छ। पोस्टरमा विजय पूरै नग्न अवतारमा छन्।

उनको प्राइभेट पार्टलाई फूलको बुकेले ढाकेको छ। गुलाफको फूलले। उनको शरीर सुगठित छ। पोस्टर सार्वजनिक गर्दै विजयले यस फिल्म आफ्नो लागि मानसिक र शारीरिकरूपमा ठूलो चुनौती रहेको बताए। उनले फिल्मको लागि सबै कुरा त्यागेको पनि बताए।

एक्सन थ्रिलर फिल्म लाइगरमा विजय एक बक्सरको भूमिकामा देखिँदैछन्। फिल्ममा दिग्गज बक्सर माइक टाइसन पनि देखिँदैछन्।

फिल्मको रिलिज डेट २५ अगस्ट २०२२ रहेको छ।

असार १९, २०७९ आइतबार ०९:३५:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।