सुशान्तसिंह राजपुत मृत्यु प्रकरण: रिया चक्रवर्ती र उनका भाइविरुद्ध मुद्दा

एजेन्सीः बलिउड अभिनेता सुशान्तसिंह राजपुतको मृत्यु भएको दुई वर्ष भइसकेको छ। यद्यपि यो मृत्यु थियो वा हत्या भन्ने विषयमा अझै पनि बहस जारी नै छ।

पोस्टमोर्टम रिपोर्टमा आत्महत्या भनिए पनि फ्यानहरू मान्न तयार भएनन्। आत्महत्या दुरुत्साहनको आरोप लगाइरहे- भूतपूर्व प्रेमिका रिया चक्रवर्ती र बलिउडका परिवारवादका संरक्षकलाई।

हाल यस केसलाई नार्कोटिक्स कन्ट्रोल ब्यूरोले अनुसन्धान गरिरहेको छ लागूऔषधको एङ्गलबाट। ब्यूरोले रिया चक्रवर्ती र उनका भाइ शौविक चक्रवर्तीसहित अन्यलाई अभियुक्त बनाएको छ। ब्यूरोले अभियुक्तहरूविरुद्ध विशेष अदालतमा मुद्दा दायर गरेको छ।

उनीहरू सबैलाई सुशान्तको लागि लागूऔषध किनिदिएको आरोप छ। यस मुद्दामा १२ जुलाईमा सुनुवाइ हुनेछ।

सुशान्त १४ जुन २०२० मा मुम्बईस्थित आफ्नै फ्ल्याटमा मृत भेटिएका थिए।

असार ९, २०७९ बिहीबार १२:०७:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।