गाउँपालिका उपाध्यक्षका देवरको मृत्युमा सार्वजनिक बिदा
बुटवल : रुपन्देहीको मर्चवारी गाउँपालिकाले उपाध्यक्षको देवरको मृत्युमा सार्वजनिक बिदा दिएको छ। मर्चवारी गाउँपालिकाले एक सूचना जारी गर्दै मर्चवारी गाउँपालिकाका उपाध्यक्ष आशा सिंहको देवर नाता पर्ने एक व्यक्तिको मृत्यु भएपछि सार्वजनिक बिदा दिएको हो।
गाउँपालिका अध्यक्ष गयाप्रसाद वरइद्वारा जारी एउटा सूचनामा उपाध्यक्षको देवर नाता पर्नेको मृत्यु भएको भनिए पनि सूचनामा मृतकको नाम उल्लेख गरिएको छैन। गाउँपालिकाले मृतक प्रति श्रद्धाञ्जली दिँदै असार ५ गते गाउँपालिका, सबै वडा कार्यालय, सम्पूर्ण विद्यालय, संघ–संस्था बन्द रहने जनाएको छ।
असार ५, २०७९ आइतबार १४:५३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
