दीपा-दीपकको फिल्मको नाम छक्कापञ्जा ४ कि माग्ने राजा !
काठमाडौँ : हिट सिक्वेल छक्कापञ्जा टिमले दसैँ पारेर नयाँ फिल्म रिलिज गर्ने तयारी गरे पनि अझैँ नाम भने जुरेको छैन। सो समूहले असोजको १० गते पारेर फिल्म रिलिज गर्ने तयारी गरिरहेका छन्।
हास्य जनारामा फिल्म बनाएर व्यापार गर्न खप्पिस दीपकराज गिरी र दीपाश्री निरौलाको समूहले मिति तय गरे पनि फिल्मको नाम भने जुराउन सकेका छैनन्। छक्का पन्जा ३ सम्म राम्रो व्यापार भएको र फिल्मको नामै ब्रान्ड बनिसकेकाले सोही नाममा छक्कापञ्जा ४ राख्ने कि नयाँ नाम जुराउने भन्ने समूहमै छलफल चलिरहेको छ।
जानकारस्रोतका अनुसार उनीहरूले माग्ने राजा नाम राख्ने विषयमा छलफल भइरहेको छ। तर अधिकांश सदस्य नयाँ नाम राखेर जोखिम लिनुभन्दा छक्कापञ्जा ४ नै नाम राख्ने पक्षमा छन्। गिरी भने माग्ने राजा नाम राख्ने पक्षमा छन्।
असार २, २०७९ बिहीबार १८:०५:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
