तितो सत्यका फुच्चे राज मोडल सुनिशासँग विवाह गर्दै

२ वर्ष अघि

तितो सत्यका फुच्चे राज मोडल सुनिशासँग विवाह गर्दै

काठमाडौँ : हास्य टेलिसिरियल 'तितो सत्य'बाट दीपकराज गिरि र दिपाश्री निरौलाको छोराको अभिनयमार्फत दर्शकमाझ परिचित राज आचार्य विवाह गर्ने तयारीमा छन्। उमेर बढेसँगै केही म्युजिक भिडियोमा अभिनय गरेका उनी चार्टर एकाउन्टेन्ट पढाई गर्न विदेश गएका थिए।

उनी पढाइ सकेर अहिले नेपाल फर्किसकेका छन्। नेपाल फर्किएसँगै उनी अहिले विवाहको तयारीमा छन्। उनको भावी श्रीमतीको रूपमा चर्चामा छिन् कलेज नेपालमा अभिनय गर्दै म्युजिक भिडियोमा अभिनय गरेकी मोडल सुनिशा बजगाईँ।

यी दुवै सँगै रहेको तस्बिर समेत सार्वजनिक भइसकेको छ। उनीहरू असार ७ गते विवाह सम्बन्धमा जोडिने तयारीमा रहेको बताइएको छ। राज कलाकार तथा निर्देशक शङ्कर आचार्यका छोरा हुन्। आचार्य हास्यप्रधान टेलिसिरियलहरुको निर्माण र अभिनय गर्दै आएका थिए।

तितो सत्यमा बाल कलाकारका रुपमा परिचित भएका राजको उमेर बढेसँगै उनी अभिनयबाट टाढा हुन थालेका थिए। उनले म्युजिक भिडियोमार्फत आफ्नो कलायात्रा अगाडि बढाउने प्रयास गरे पनि सफल भएनन्।