अक्षय कुमारको फिल्म 'सम्राट पृथ्वीराज' सुपर फ्लप

काठमाडौं : बलिउड सुपरस्टार अक्षय कुमारको फिल्म 'सम्राट पृथ्वीराज' बक्स अफिसमा सुपर फ्लप भएको छ। बलिउडको यस महँगो फिल्मलाई दर्शकले अस्वीकार गरेका छन्।

प्रदर्शनको एक दिन पनि फिल्म सम्राट पृथ्वीराजले अपेक्षा अनुसार व्यवसाय गर्न नसकेको भारतीय समाचार एजेन्सीहरुले जनाएका छन्। 'बच्चन पाण्डे' पछि अक्षय कुमारको यो लगातार दोस्रो फ्लप फिल्म हो।

सम्राट पृथ्वीराजले प्रदर्शनको पहिलो हप्ता शुक्रबार १० करोड ७० लाख, शनिबार १२ करोड ६० लाख, आइतबार १६ करोड १० लाख, सोमबार ५ करोड, मंगलबार ४ करोड २५ लाख, बुधबार ३ करोड ६० लाख र आइतबार २ करोड ८० लाख गरी ५५ लाख ५ करोड कमाइ गरेको छ।

यो फिल्म सय करोडको क्लबमा सामेल हुने सम्भावना करिब-करिब सकिएको फिल्म समीक्षकहरुले जनाएका छन्। फिल्मले ७५ करोडको आँकडा छुनसक्ने उनीहरुको अनुमान छ।

अक्षय कुमार, सञ्जय दत्त, सोनु सुद, मानुषी छिल्लर लगायत कलाकारको अभिनय रहेको साम्राट पृथ्वीराजको निर्देशन डा. चन्द्रप्रकाश द्विवेदीले गरेका हुन्। यो फिल्मको निर्माण भने यशराज फिल्म्सले गरेको हो।

जेठ २८, २०७९ शनिबार ०९:३३:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।