पोखराबाट लागूऔषधसहित तीन जना पक्राउ

पोखरा : पोखराको नागढुंगाबाट लागूऔषधसहित तीन जना पक्राउ परेको छन्। उनीहरूलाई ठूलो संख्यामा विभिन्न प्रकारका लागूऔषध सहित प्रहरीले पक्राउ गरेको हो। पक्राउ पर्नेमा स्याङ्जाको पुतलीबजार नगरपालिका–८ का वर्ष २५ का बिराज हमाल, वडा नम्बार ४ का वर्ष २६ का देवान्स थापा र आँधीखोला गाउँपालिका –३ का वर्ष २० का मनिष पौडेल रहेका छन्। 

लागूऔषध नियन्त्रण ब्यूरो शाखा कार्यालय पोखरा र जिल्ला प्रहरी कार्यालय कास्कीबाट खटिएको संयुक्त प्रहरी टोलीले उनीहरूलाई पक्राउ गरेको जिल्ला प्रहरी कार्यालय कास्की प्रहरी निरीक्षक ज्ञानबहादुर खड्काले जानकारी दिए। 

उनका अनुसार पक्राउ परेकाहरूको साथबाट लागूऔषध डाईजापाम–७० एम्पुल, फेनेरागन–१२० एम्पुल, नुर्फिन–९५ एम्पुल र मोबाईल चार वटा बरामद भएको छ। उनीहरू विरुद्ध कास्की जिल्ला अदालतबाट लागूऔषध सम्बन्धी मुद्दामा सात दिन म्याद थप गरी अनुसन्धान प्रक्रिया अघि बढाइएको खड्काले बताए। 
 

जेठ २७, २०७९ शुक्रबार २०:१९:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।