छक्कापञ्जा-३ को व्यापारको रेकर्ड तोड्दै कबड्डी-४
काठमाडौँ : फिल्म हलहरूमा देखिएको नेपाली फिल्मकी सुस्त व्यापारलाई चक्मादिँदै ‘कबड्डी ४’ले छक्कापञ्जा-३ को व्यापारको रेकर्ड तोड्ने निश्चित देखिएको छ।
मल्टिप्लेक्सहरुमा बम्पर कमाई गरिरहेको फिल्मले शुक्रवारसम्मको एक सातामा १५ करोडको ग्रस कलेक्सन गरिसकेको फिल्म निर्माण टिमको दाबी छ। यौन दुर्व्यवहारको विवादले फिल्मको व्यापारमा २ दिन असर पारे पनि अहिले पुरानै गतिमा गइसकेको छ।
फिल्म हेर्न चाहने नेपाली दर्शकहरूको हलमा चाप उस्तै रहेकाले दोस्रो साताभरिमा फिल्मले छक्कापञ्जा-३ को १६ करोड ग्रस कलेक्सनको रेकर्ड तोड्ने सङ्केत देखाएको छ। नेपाली फिल्मले कति व्यापार गर्यो भन्ने एकिन तथ्याङ्क पाउन निकै सकस छ।
फिल्मको वितरणमा संलग्न स्रोतको दाबी पत्याउने हो भने पहिलो सातामा फिल्मले १५ करोडको ग्रस कलेक्सन गरिसकेको छ। दोस्रो साता पनि फिल्मलाई टक्कर दिने अन्य फिल्म नआएको र दर्शकको चाप नघटेकाले १६ करोडभन्दा बढी ग्रस कलेक्सन हुनेमा उनीहरू ढुक्क देखिन्छन्।
जेठ २०, २०७९ शुक्रबार २१:३०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
