सुर्खेतका नौ वटै पालिका प्रमुखले लिए पद तथा गोपनीयताको शपथ
सुर्खेत : सुर्खेतका नौ वटै पालिकाका नवनिर्वाचित प्रमुख–अध्यक्षहरूले पद तथा गोपनीयताको शपथ लिएका छन्। आज मुख्य निर्वाचन अधिकृत डा.राजेन्द्र आचार्यले उनीहरूलाई शपथ ग्रहण गराएका हुन्।
वीरेन्द्रनगर नगरपालिकाका प्रमुख मोहनमाया ढकाल, लेकवेशी नगरपालिकाका प्रमुख उमेशकुमार पौडेल, भेरीगंगा नगरपालिकाका प्रमुख यज्ञप्रसाद ढकाल, चिंगाड गाउँपालिकाका अध्यक्ष बोधविक्रम जिसी, गुर्भाकोट नगरपालिकाका प्रमुख हस्त पुन, सिम्ता गाउँपालिकाका अध्यक्ष ऐनबहादुर चन्द, बराहताल गाउँपालिकाका अध्यक्ष भीम भण्डारी, पञ्चपुरी नगरपालिकाका प्रमुख लालबिर भण्डारी र चौकुने गाउँपालिकाका अध्यक्ष खड्क विकले जिल्ला समन्वय समितिको सभा हलमा उपस्थित भएर शपथ लिएका हुन्।
आज शपथ लिएका प्रमुख-अध्यक्षहरुले भोलि र पर्सीसम्म आफ्नो पालिकाका उपप्रमुख–उपाध्यक्ष, वडा अध्यक्ष तथा सदस्यहरूलाई शपथ ग्रहण गराउने छन्।
जेठ ८, २०७९ आइतबार १९:२२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
