‘घनचक्कर’ असार १० गते रिलिज हुने

काठमाडौँ : फिल्म ‘घनचक्कर’ असार १० गते रिलिज हुने भएको छ। सौगात मल्ल, सलोन बस्नेत र जेवी डिसीको मुख्य भूमिका रहेको फिल्म असारमा आउन लागेको हो।

भट्ट एन्ड सन्स प्रोडक्सनको ब्यानरमा निर्माण भएको फिल्मलाई जितेन्द्र राजोपाध्यायले निर्देशन गरेका हुन्। हरि भट्ट सूर्यनाथ प्रस्तुतकर्ता रहेको कमेडी जनराको फिल्ममा करुना अर्याल र सङ्गम भट्टको लगानी छ।

फिल्ममा अनुपम द्धिवेदी, अनुप जङ्ग खड्का र सन्तोष सेढाई सह-निर्माताको रूपमा रहेका छन् । फिल्ममा सरोज खनाल, कस्मिरा लामा, शिशिर भण्डारी, आशान्त शर्मा, ईश्वरी खड्का, कृष्णभक्त महर्जन, घनश्याम जोशी, प्रभन भुसाल, जनक घर्तिमगर, दामोदर पौडेल लगायतको पनि अभिनय रहेको छ।

सुसन प्रजापति खिचेको फिल्ममा अर्जुन सिंहको कथा, काजी लिम्बुको पटकथा तथा संवाद, अष्ट महर्जनको द्वन्द्व निर्देशन, प्रदीप श्रेष्ठ र साइमन राजवंशीको कोरियोग्राफी, विपिन आचार्य, देव कोइमी र बिजेन श्रेष्ठको सङ्गीत र मित्र डी गुरुङको सम्पादन रहेको छ।

जेठ ७, २०७९ शनिबार ००:४९:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।