धुर्कोट नयाँ गाउँमा अध्यक्षका उम्मेदवार भण्डारीमाथि माओवादीका कार्यकर्ताद्वारा हातपात 

गुल्मी : धुर्कोट गाउँपालिका-२ नयाँ गाउँमा माओवादीका कार्यकर्ताद्वारा संयुक्त लोकतान्त्रिक प्यानलका उम्मेदवार महेन्द्र प्रसाद भण्डारीमाथि हातपातको प्रयास भएको छ।

अध्यक्षका प्रत्यासी भण्डारी मतदान केन्द्रको अवलोकन गर्न जाने क्रममा हातपातको प्रयास हुनुका साथै तथानाम गालीगलौज गरेको स्थानीय प्रकाश पोख्रेलले जानकारी दिए। पोख्रेलका अनुसार माओवादी कार्यकर्ताले जबरजस्त मुख छाड्ने र भण्डारीलाई एक ढंगले हात हालाहालको अवस्था आएको उनले बताए। 

हातपातको प्रयास भएपछि प्रहरीको टोली घटनास्थलमा पुगी भण्डारीलाई सुरक्षित ठाउँमा लगिएको छ। हातपात गर्ने माओवादी कार्यकर्तालाई प्रहरीले नियन्त्रणको प्रयास गर्न कोसिस गरिरहेको छ भने माओवादी कार्यकर्ताले झनझन विवाद निम्त्याएको कारणले गर्दा नयाँ गाउँको स्थिति तनावग्रस्त बनेको छ। 

वैशाख ३०, २०७९ शुक्रबार १४:१४:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।