स्वप्न सुमन र ज्योत्सना योगी सुटुक्क बने एकअर्काका दुलहा-दुलही
काठमाडौंः युवापुस्ता माझ परिचित गायक हुन्- स्वप्न सुमन। उत्तिकै परिचित माेडल तथा नायिका हुन्- ज्याेत्सना याेगी।
यी दुवै सेलिब्रिटी बिहीबार विवाह बन्धनमा बाँधिए। केकी अधिकारी र वर्षा सिवाकोटीले गुपचुप विवाह गरेको केही सातामै स्वप्न सुमन र ज्योत्सना योगीले पनि धेरै हल्लाखल्ला नगरी विवाह गरे। साधारण तर परम्परागत रूपमा।
विवाहका बारेमा यी दुईका परिवार र नातागोता बाहेक सबैले ज्याेत्सनाको सामाजिक सञ्जाल इन्स्टाग्रामबाट थाहा पाए। विवाहका तीन फाेटाे राख्दै उनले लेखेकी छिन्, 'मैले स्वप्न सुमनसँग विहे गरें। सबैले आशीर्वाद दिनुहाेला।'
फाेटाेमा थुप्रै कलाकारहरूले याे जाेडीलाई बधाई दिइरहेका छन्।
यो जोडी केही समयअघिदेखि प्रेममा थियो।
वैशाख २३, २०७९ शुक्रबार ०८:३८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
